مش هنهزم مش هيسكت صوت أدانى
مهما تتكتف ايديّا بالحديد
ومهما طال البعد راجع من جديد
والنصر فى عيونى من أحلى الأمانى
🕌🕌🕌🕌🕌🕌🕌🕌🕌🕌
بوكره راجع لما ييجى فى يوم صباح
يسمح الدمع الحزين ويداوى الجراح
بوكره راجع لماتتلم الصفوف
تحت رايه واحده ماتعرفش خوف
والإيمان يبأه أقوى من السلاح
🕌🕌🕌🕌🕌🕌🕌🕌🕌🕌
طال الفراق ياما طال والبعد نار
وآه ياقلبى آه من طول الإنتظار
الصبر طيب كل نصر وله ميعاد
ياللا يامّه علمى وربى الولاد
ع الشجاعه والفدا والإنتصار
🕌🕌🕌🕌🕌🕌🕌🕌🕌🕌
علموهم ع الصمود والتحدى والكفاح
يمكن فى يوم يظهر من بينهم صلاح
يجمع على أرضك من الجنود ملايين
زى ما جمعهم فى ميدان حطين
وجِىِ نصرنى وخادنى بالأفراح
🕌🕌🕌🕌🕌🕌🕌🕌🕌🕌
يازمان اوعاك تقول إنى انتهيت
داناكل يوم بلاقينى من تانى ابتديت
مش رصاصه اوصاروخ هيهزو روحى
وللاّ هاهرب لما اشوف دمى وجروحى
داليهودى إللى مالوش فى الدنيابيت
🕌🕌🕌🕌🕌🕌🕌🕌🕌🕌
بالسلام أو بالحروب منصور اكيد
مهما كان الشر بسلاحه العنيد
طول مافيه عزيمه ونور وشوق
تانى طالعه الشمس تضحك فى الشروق
والغيوم هيّا اللى راح ترحل بعيد
🕌🕌🕌🕌🕌🕌🕌🕌🕌🕌
كل يوم بيموت عشانى كام شهيد
ويتولد تانى مكانهم كام شهيد
بس إللى مالى قلبى بالحزن الشديد
هوه صاحبى إللى فى أرضه عاش طريد
بيحارب المدرعات بالحجارة والنشيد
🕌🕌🕌🕌🕌🕌🕌🕌🕌🕌
زى الجبل أنا هنا ثابت مكانى
مايهمنيش لو حتى مين اللى عادانى
مايهمنيش ترامبات ولا بَنَيامِين
مهما كانو ومهما صبحو هيبقو مين
يرجعو يشوفو صلاح عمل ايه عشانى
🕌🕌🕌🕌🕌🕌🕌🕌🕌🕌
فات الكتير وخلاص مابقاش الا القليل
ماتخافوش عليّا من الليل الطويل
عُمر بييجى كل يوم نصلى الفجر
ويواسى قلبى ويعطينى شوية صبر
وباشوف لنصر الله فى قلبه كام دليل
🕌🕌🕌🕌🕌🕌🕌🕌🕌🕌
زى الجبل أنا هنا صامد مكانى
غير الله ماليش إله ولا رب تانى
من يوم ماجانى المصطفى خير الأنام
وصلى فيّا بجميع الأنبياء إمام
نَوّر الإسلام فى أرضى وف حيطانى
🕌🕌🕌🕌🕌🕌🕌🕌🕌🕌
(أقصية)
شاعر الإحساس
( رضا عبد الحميد)
