(((((( مازال ))))))
مازال فينا جانب كبير من الحشم
ومازال منا النوايب ننظروا عقالها
ومازال ننظروا للي اتعدّى عدم
مازال نبكي ع اللي فات أعوامها
ومازال وين ننسوا أوجاع الهم
مانسالوا على سبايب اوجاعها
ومازال وين ننقش ع الجسم
وصية لاتخللوا عزيز القوم في اوحالها
بكيت لحالي يوم شربت السقم
قالولي اش خلاك تحزني على رجالها
يوم يومين وماعاد من راي ينحسم
قلت خفق قلبي بيوم نجولها
شافوا الحزن على صدري مرسوم
حسيت بوجيعة في جاشي شالها
كل الاْلسن دارت عليّ تلوم
بدات موحشة لبلاد يامزمومها
سنين عمري كاسيات الظيم
بكت حزنت على اعز قومها
نظري في اللي غابوا ماننساهم
فيهم طال غضب قبل الموت امطبّق جاها
_ مريم السعيدي
_ تونس الخضراء
ليست هناك تعليقات:
إرسال تعليق